«Գոտի և Ճանապարհ» արտահանման կենտրոնի համահիմնադիր-ղեկավար, ՀՀ առևտրաարդյունաբերական պալատի հայ-չինական տնտեսական հարաբերությունների հանձնաժողովի նախագահ, արտահանման փորձագետ Ռուզաննա Մալխասյանը «Հայաստանի և ԵԱՏՄ համագործակցության նոր հորիզոնները ԲՐԻԿՍ և ՇՀԿ հետ» միջազգային ֆորումին իր ելույթում անդրադարձել է նշված միություններին միանալու դեպքում Հայաստանի Հանրապետության հեռանկարներին։ Ելույթի տեքստը ստորև.
«Հարգելի հյուրեր, սիրելի մասնասկիցներ և փորձագետներ,
Ողջունում եմ Ձեզ, ես Ռուզաննան եմ Մալխասյան, «Բրիկս-Հայաստան» բիզնես կենտրոնի տնօրենը և հայ-չինական տնտեսական հարաբերությունների հանձանաժողովի նախագահը Հայաստանի Առևտրաարդյունաբերական Պալատում։
Ցանկանում եմ խորին շնորհակալություն հայտնել այս հիանալի՝ Հայաստանի համար կարևոր միջազգային ֆորումի կազմակերպիչներ Մհեր Ավետիսյանին և Տատյանա Սելեվյորստովային, և նաև ձեզ բոլորիդ՝ ֆորումին մասնակցելու համար, քանի որ տեսնում ենք, որ կարևորում եք Հայասատանի տնտեսության զարգացումը։
Այո՛, Հայաստանը պետք է տնտեսապես զարգանա և ապահովի իրական տնտեսական աճ, որի մեջ գերակշիռ տեղը պետք է զբաղեցնի զուտ արտահանումը և սպառումը՝ բարձրացնելու համար ժողովրդի կենսամակարդակը։
Այսօր Հայաստանի համար բացվել է իրական հնարավորություն միանալու ԲՐԻԿՍ և ՇՀԿ տնտեսական միավորումներին և դրա միջոցով զարգացնելու տնտեսությունը։
ԲՐԻԿՍԸ 5 հզոր երկրների կողմից ստեղծված միջպետական կառույց է՝ ուղղված անդամ պետությունների տնտեսությունների ինտեգրմանը և տնտեսական գործունեության զարգացմանը։
ԲՐԻԿՍ անդամ պետությունները համաշխարհային տնտեսությունում զբաղեցնում են յուրօրինակ տեղ՝ միասին ստեղծելով համաշխարհային ՀՆԱ-ի 25%-ը և ամենա մասշտաբային համաշխարհային շուկան՝ 3,21 մլրդ մարդ (աշխարհի բնակչության 42%-ը):
Յուրաքանչյուր տնտեսական միավորի զարգացման համար անհրաժեշտ է ունենալ հետևյալ ռեսուրսները՝ հողային ռեսուրսներ, բնական պաշարներ, մարդկային կապիտալ, փողային զանգված՝ ներդրումներ և փողի արագ շրջանառություն։
- Չինաստանն ունի ամենամեծ վալյուտային ռեզերվը։
- Հնդկաստանն ունի մարդկային ամենամեծ ռեսուրսը։
- ՌԴ-ն ունի բնական ռեսուրսների ամենամեծ պաշարները։
- Բրազիլիան ունի վիթխարի պոտենցիալ գյուղատնտեսության ոլորտում։
- Հարավային Աֆրիկան՝ հսկայական բնական ռեսուրսներ։
BRICS-ին 2022-2023թթ. միացավ նաև Իրանը։
BRICS-ին միանում են բոլոր այն երկրները, որոնց տնտեսությունները համարվում են զարգացող։
Գտնվելով երկրների բախման խաչմերուկում՝ Հայաստանի Հանրապետությունը, ունենալով համաշխարհային շուկայում 115-րդ տեղը, իր ՀՆԱ-ով կարող է միանալ ԲՐԻԿՍ և ՇՀԿ միավորումներին՝ ապահովագրելով երկրի անվտանգային համակարգը և տնտեսության զարգացումը։
Հայաստանի ընդգրկումը ԲՐԻԿՍ միությանը նաև կվերադարձնի «Գոտի և Ճանապարհ» մեգանախագիծ, որի շնորհիվ հնարավոր կլինի էլ առավել ակտիվացնել լոգիստիկ ծառայությունները տարբեր երկրների միջև և դառնալ ստրատեգիական նշանակության խաչմերուկ անդամ երկրների համար՝ ճանապարհների առումով նաև»։